//學校不是工廠，天生我才必有用//
教學多年，一直都本住『天生我才必有用』既精神，係明白佢拙處既同時，去發掘學生既優點。
記得若干年前，有個學生個樣又黑又唔可愛，吸收能力弱，中英數都無科叻，年年老師都投訴佢，一提起學習情況，媽媽就直覺拒絕接收，覺得老師標籤佢。但偏偏，偏偏俾我發現佢畫粉彩畫就超級靚。家長會個一日，媽媽係我面前眼濕濕多謝我。佢多謝既，唔係我既教導，而係我發掘度佢既長處。
一直認為，如果一個老師覺得一個學生一無是處，咁有問題個個一定係老師，因為佢提供唔到足夠既活動，同埋平台俾學生去發揮。例如，做老師既從來唔俾學生踢足球，咁又點樣發掘一個足球天才？
學校唔係工廠，我今日教我既學生ABC同埋123﹐係因為將來佢需要同人用英文溝通，同埋日常需要計數。慶幸我教既係小朋友，教學既空間都有某程度上既自由。而升小升中後，就希望佢地自求多福喇😥
Search